Programaren sorrera eta arduradunak:
Kirola Euskaraz programa Debagoieneko zenbait udalek sortu zuten 1993an eta laster Debabarrenera zabaldu zen. Piskanaka, Debarroko egitasmoak beste erakunde ofizial batzuen konfidantza eta laguntza ekonomikoa lortu ditu eta programa garatzeko aukerak ere handitu egin dira, Eusko Jaurlaritzari eta Arabako, Bizkaiko eta Gipuzkoako foru aldundiei esker.

Helburuak:
Programaren helburu nagusiak dira kirol entrenatzaileak, begiraleak eta hezkuntza fisikoko irakasleak prestatzea eta kirol materiala euskaraz sortu eta argitaratzea. Eta, batez ere, euskararen erabilera sustatzea kirolaren arlo guztietan.

Nondik norakoak:
Orri honen bidez, beraz, programa horren barruan sortzen eta antolatzen diren jarduerak ezagutzera eman eta parte hartzeko bidea erraztu nahi da. Hiru atal nagusi izango ditu: prestakuntza, materiala eta saski-naski atala. Prestakuntzaren barruan, Gipuzkoako bailaretan urtez urte antolatu ohi diren kirol ikastaroen berri zehatza emango da, Udako Kirol Eskolako ikastaroak barne. Materialaren atalean, bi multzo egin ditugu: alde batetik, euskaraz sortu edo argitaratu den materialaren bilduma jarri dugu eta, bestetik, materiala sortzeko Debarrokoek urtero egiten duten beka deialdiaren inguruko informazioa. Azkenik, saski-naski atalak, izenak berak adierazten duen bezala, kirolaren arloan euskararen erabilera sustatzeko helburuarekin egin diren edo egingo diren modu bateko edo besteko azterlanak, deialdiak, egitasmoak eta antzekoak jasoko ditu.

Etorkizunari begira:
Etorkizunari begira, kirol ikastaroetan edo beka deialdietan izena emateko aukera eta Kirola Euskaraz programaren barruan argitaratu den materiala erosteko bidea eskeini nahi dugu.