ALKATE JAUNAREN HERIOTZA Hiru Eguneko Dolua

Mutrikuko Udaletik jakinarazten dizuegu atzo, irailak 07an gure alkate den Estanis Osinalde Txurruka Jauna zendu dela 49 urte zituelarik. Elizkizunak gaur irailak 08, arratsaldeko 19:00etan izango dira herriko Jasokundeko Amaren Parrokian.

Hori dela medio, Mutrikuko Udalak hiru dolu-egun ezarri ditu. Denbora tarte honetan aurrikusita zeuden aktibitate guztiak ( Kirol, kultural...) suspenditu egingo dira; hauen artean, gaur, 22:30etan aurrikusita zegoen Bertso jaialdia eta bihar, igandean, Kalbaixoko X. Artzain Txakur lehiaketa eta IV. Mendi Bizikleta Martxa.

Honekin batera, Udalak herritar guztiei jakinarazten dizue gaur hasi eta astelehenera arte udaletxean sinadura liburua jarriko dela nahi duten guztiek doluminak agertzeko aukera izan dezaten.

Ordutegia:

Larunbata, Irailak 8, 21:00ak arte.

Igandea, irailak 9: 10:00-14:00 eta 17:00-21:00

Astelehena, irailak 10: 8:00-15:00

MUTRIKUKO UDALA OSATZEN DUGUN GIZA- TALDEAREN IZENEAN, GURE DOLUMINIK ZINTZOENA FAMILIA OSOARI

Mutriku 2007ko Irailaren 8a